aMark 5:21; Luka 8:40
b4:13; Mark 2:1
cMark 2:3-12; Luka 5:18-26
dLuka 5:20, 7:47,48; 1 Joha 2:12
e12:25, 22:18; Mark 2:8, 12:15; Luka 5:22, 6:8, 9:47, 11:17; Joha 2:24,25, 16:19; Isam 2:23; Hlab 139:2; Seb 1:24; 1 Lan 28:9
fLuka 5:20, 7:47,48; 1 Joha 2:12
g15:31
hMark 2:14-17; Luka 5:27-32
i10:3; Mark 3:18; Luka 6:15; Seb 1:13; Mark 2:14; Luka 5:27,29
jLuka 15:1; Mat 18:17
k11:19; Luka 15:2
l12:7
mHos 6:6; Mika 6:6-8; Mat 23:23
n1 Tim 1:15; Mat 18:11
oMark 2:18-22; Luka 5:33-38
pLuka 18:12
qJoha 3:29
rEzra 2:1; Mat 8:12; Luka 20:34,36
s25:1
t17:21
vJobe 32:19; Josh 9:4; Hlab 119:83
wMark 5:22-43; Luka 8:41-56
x8:2
yLevi 15:25
z14:36, 23:5
aa9:2
abIsam 18:22; 2 Lan 35:25
acSeb 20:10
adJoha 11:11
aeSeb 9:40
af20:30-34
ag15:22, 20:30,31; Mark 10:47,48; Luka 18:38,39; Mat 1:1; Hlab 110; 1 Mat 12:23, 21:9,15, 22:45
ah9:2
ai20:34
aj9:2
akMark 1:43; Joha 11:33
al8:4
amMark 7:36
anMark 1:45
aoLuka 11:14,15; Mat 12:22,24
ap4:24
aqMark 3:22
arMark 6:6; Luka 13:22
as4:23
at4:23
au4:23
avMark 6:34; Mat 14:14
awIsa 53:6; Hez 34:5; 1 Pet 2:25; Nani 27:17
axLuka 10:2; Joha 4:35
ay2 Thes 3:1
azMark 1:12,43; Joha 10:4

Matthew 9

UJesu usilisa umuntu oyisigoga

1Wasengena emkhunjini a wachapha wafika emzini wakibo b.

2Futhi khangela, baletha kuye umuntu owome umhlubulo elele ehlakeni c; uJesu ebona-ke ukholo lwabo wathi koyisigoga: Mana isibindi, ndodana; uthethelelwe izono zakho d. 3Njalo khangela, abanye bababhali bakhulumela ngaphakathi bathi: Lo uyahlambaza. 4Njalo uJesu ebona imicabango yabo wathi: Lina linakanelani okubi enhliziyweni zenu e? 5Ngoba yikuphi okulula, ukuthi: Uthethelelwe izono zakho f; kumbe ukuthi: Sukuma uhambe? 6Kodwa ukuze lazi ukuthi iNdodana yomuntu ilamandla emhlabeni okuthethelela izono (wasesithi kowome umhlubulo): Sukuma uthathe uhlaka lwakho, uye endlini yakho. 7Wasesukuma waya endlini yakhe. 8Kwathi amaxuku esebonile, amangala, adumisa uNkulunkulu g, onike abantu amandla anje.

Ukubizwa kukaMathewu

9Esedlula lapho uJesu wabona umuntu h, othiwa nguMathewu, ehlezi endlini yokuthelisela i, wathi kuye: Ngilandela. Wasesukuma wamlandela.

10Kwasekusithi ehlezi ekudleni endlini, khangela-ke, abathelisi abanengi lezoni beza bahlala ekudleni loJesu labafundi bakhe j. 11AbaFarisi sebebonile bathi kubafundi bakhe: Kungani umfundisi wenu esidla labathelisi lezoni k? 12Kwathi uJesu esizwa wathi kubo: Abaphilileyo kabadingi melaphi, kodwa abagulayo. 13Kodwa hambani lifunde ukuthi kutshoni lukuthi: Ngifuna isihawu, njalo hatshi umhlatshelo m; ngoba angizanga ukubiza abalungileyo, kodwa izoni zize ekuphendukeni n.

Ukuzila ukudla

14Khona kwafika kuye abafundi bakaJohane o, besithi: Kungani thina labaFarisi sizila ukudla kanengi, kodwa abafundi bakho bengazili ukudla p? 15UJesu wasesithi kubo q: Abantwana r bendlu yomthimba bangalila yini, selokhu umyeni elabo s? Kodwa zizafika insuku lapho umyeni ezasuswa kubo; khona-ke bezazila ukudla t. 16Futhi kakho obekela isichibi selembu elingakafinyeli ▼
▼ elingakafinyeli: kumbe,  ilembu elingakalungiswa
 esembathweni esidala; ngoba lokho okubekelwe kuso kuzadabuka esembathweni, besesiqhela isikhala. 17Njalo kabatheli iwayini elitsha emigodleni emidala; uba-ke kungenjalo imigodla iyadabuka, lewayini lichitheke, lemigodla yonakale; kodwa iwayini elitsha balifaka emigodleni emitsha, besekulondolozeka kokubili v.

Indodakazi kaJayirosi ivuswa ekufeni. Owesifazana owayelomopho uyasiliswa

18Kwathi esakhuluma lezizinto kubo w, khangela, kwafika umphathi othile waguqa phambi kwakhe, wathi: Indodakazi yami isanda ukufa; kodwa woza ubeke isandla sakho phezu kwayo, njalo izaphila x. 19Wasesukuma uJesu wamlandela, labafundi bakhe.

20Njalo khangela, owesifazana owayelomopho okweminyaka elitshumi lambili y, weza ngemuva kwakhe, wathinta umphetho wesembatho sakhe. 21Ngoba wathi ngaphakathi kwakhe: Aluba ngithinta nje isembatho sakhe, ngizasindiswa z. 22Kodwa uJesu etshibilika embona, wathi: Mana isibindi, ndodakazi; ukholo lwakho lukusindisile. Owesifazana wasesila kusukela ngalelohola aa.

23UJesu wasefika endlini yomphathi, wabona abakhalisa imihlanga lexuku liphithizela ab, 24wathi kubo: Dedani; ngoba intombazana kayifanga ac, kodwa ilele. Basebemhleka usulu ad. 25Kodwa ixuku selikhutshiwe, wangena wabamba isandla sayo, intombazana yasivuka. 26Indumela yalokho yasiphumela kulelolizwe lonke ae.

UJesu uhawukela iziphofu lesimungulu labakhathazekileyo

27Kwathi uJesu esedlula lapho, iziphofu ezimbili zamlandela, zimemeza zisithi af: Sihawukele, Ndodana kaDavida ag! 28Esengenile endlini, iziphofu zeza kuye; uJesu wasesithi kuzo: Liyakholwa yini ukuthi ngingakwenza lokhu ah? Zathi kuye: Yebo, Nkosi. 29Wasethinta amehlo azo ai, wathi: Akwenzeke kini njengokholo lwenu aj. 30Asevulwa amehlo azo; uJesu wasezilayisisa kakhulu wathi ak: Qaphelani, kakungabi lamuntu okwaziyo al. 31Kodwa zaphuma am zafakaza ngaye kulo lonke lelolizwe an.

32Kwathi ekuphumeni kwazo, khangela, baletha kuye umuntu oyisimungulu ao owayengenwe lidimoni; 33kwathi idimoni selikhutshiwe, isimungulu sakhuluma; amaxuku asemangala, athi: Kakuzanga kubonwe okunje koIsrayeli ap. 34Kodwa abaFarisi bathi: Ukhupha amadimoni ngenkosi yamadimoni aq.

35UJesu wasebhoda emizini yonke lemizaneni ar, efundisa emasinagogeni abo as, etshumayela ivangeli lombuso, at eselapha sonke isifo lobuthakathaka bonke ebantwini au. 36Kwathi ebona amaxuku, waba lesihelo ngawo av, ngoba ayekhathele ehlakazekile njengezimvu ezingelamelusi aw. 37Wasesithi kubafundi bakhe: Isibili isivuno sikhulu, kodwa izisebenzi zinlutshwana ax; 38ngakho ncengani iNkosi yesivuno ay, ukuze ithume izisebenzi esivunweni sayo az.

Copyright information for Ndebele